02.07.2026 | 14:04
Ձերբակալվել է գնդապետ Էդիկ Մալոյանը
Անցումային արդարադատության կիրառման ժամանակահատված պետք է սահմանել 1991-2018 թթ․ Կարեն Զադոյան․ ՏԵՍԱՆՅՈՒԹ
Քաղաքականություն
24.05.2019 | 13:18
Իրավաբանների հայկական ասոցիացիայի նախագահ Կարեն Զադոյանն այսօր խորհրդարանում հանդես եկավ «Անցումային արդարադատության մեխանիզմների կիրառելիության հնարավորությոունները ՀՀ-ում միջազգային փորձի լույսի ներքո» զեկույցով։
Իր խոսքում Զադոյանը նշեց, որ իրենց ասոցիացիան 2018 թվականի ՀՀ վարչապետի օգոստոսյան հայտնի ելույթից հետո, երբ հայտարարվել էր, որ ՀՀ-ում կարող են ներդրվել անցումային արդարադատության որոշ գործիքներ, պատրաստել է զեկույց՝ անցումային արդարադատության գործիքների կիրառման վերաբերյալ և քննարկել ազգային փորձագետների մասնակցությունն այդ գործընթացում։
Կարեն Զադոյանի խոսքով՝ եթե խոսում ենք անցումային արդարադատության ներդրման այլ երկրների ձախողված փորձի մասին, ապա պետք է հիշել, որ միջազգային փորձի ուսումնասիրությունը ցույց է տալիս, որ ձախողվում են այն երկրները, որտեղ չի եղել այդ գործընթացին բոլոր շահագրգիռ կողմերի ներգրավում։
Ըստ Զադոյանի՝ այդ գործընթացի շուրջ նաև պետք է ապահովել հանրային լայն լսումներ։
Անդրադառնալով անցումային արդարադատության գործիքներին՝ Կարեն Զադոյանը առանձնացրեց դրանցից չորսը։ «Դրանք են քրեական արդարադատության իրականացում, ճշմարտության որոնում, փոփհատուցման ծրագրեր և համակարգային բարեփոխումներ»,- ասաց նա։
Խոսելով անցումային արդարադատության համար սահմանվող ժամկետների մասին՝ Զադոյանն ասաց․ «Մենք գտնում ենք, որ անցումային արդարադատության կիրառման ժամանակահատված սահմանել 1991-2018 թվականը»։
Մանրամասները՝ տեսանյութում։
