22.04.2026 | 23:30
ՀՀ տարածքում ավտոճանապարհները հիմնականում անցանելի են
Ինչպես է Գյումրիում քաղաքացին յուրացնում դատարանի մերձակա տարածքի սալաքարերը. ԼՈՒՍԱՆԿԱՐՆԵՐ
Հասարակություն
23.05.2019 | 21:20
Factor.am-ն այսօր Գյումրիում հետաքրքիր դեպքի է ականատես եղել:
Քաղաքի կենտրոնում՝ Շիրակի մարզային դատարանի մոտ գտնվող կանգառի տարածքում, շինարարական աշխատանքներ են ընթանում, և տարածքը լի է սալաքարերով ու այլ շինանյութով:
Շինանյութը, սակայն, թափված է հենց փողոցում, և որևէ կերպ չի հսկվում: Քաղաքացիներն էլ, օգտվելով այս վիճակից, յուրացնում են այն: Մեր ֆոտոխցիկը ֆիքսել է, թե ինչպես է մի տղամարդ իր ավտոմեքենայով մոտենում շինարարության տարածքին և մայթեզրին թափված սալաքարերը տեղավորում մեքենայի բեռնախցիկում:
Նշենք, որ շինհրապարակները սահմանված չափանիշներին համապատասխանեցնելու մասին Գյումրիի կատարած այցի ընթացքում խոսել է նաև վարչապետ Նիկոլ Փաշինյանը, որպեսզի քաղաքացիները ստիպված չլինեն քայլել անանցանելի, անհարմար փողոցներով ու մայթերով կամ, մեղմ ասած, չվերցնեն առանց հսկողության մնացած շինանյութը:
Հիշեցնենք, որ Գյումրիում ընթացող փողոցաշինական աշխատանքների ընթացքում հայտնաբերված չարաշահումների գործով Շիրակի մարզի քննչական կոմիտեն հարուցել է քրեական գործ, քննություն է ընթանում:
Էմմա Չոբանյան
