27.10.2026 | 11:15
Պատերազմի մեկնարկից ի վեր առաջին անգամ Ռուսաստանն իրավունք է ստացել օլիմպիական մարզաձևի աշխարհի առաջնություն հյուրընկալել
Ռոբերտ Քոչարյանի պաշտպանը եկել է ՀՅԴ-ի հանրահավաքին. ՏԵՍԱՆՅՈՒԹ
Քաղաքականություն
23.05.2019 | 19:38
Ռոբերտ Քոչարյանի կալանավորումն անձնական երաշխավորությամբ փոխելու հարցում դատավորը միանշանակ օրենքի շրջանակում է գործել: Այս մասին լրագրողների հետ զրույցում նշեց ՀՀ երկրորդ նախագահի պաշտպաններից Ռուբեն Սահակյանը: Նշենք, որ նա մասնակցում է Ազատության հրապարակում ՀՅԴ-ի հրավիրած հանրահավաքին:
Factor.am-ի հարցին՝ արդյո՞ք դատական համակարգն առողջացման անհրաժեշտություն ունի, Ռուբեն Սահակյանը պատասխանեց. «Միանշանակ ունի»:
Ըստ նրա, սակայն, դատական համակարգն առողջացնելու համար ընտրված ճանապարհը ճիշտ չէ:
Անդրադառնալով անցումային արդարադատության մասին հարցին՝ փաստաբանը նշեց. «Եթե լենանազարյանները պետք է ասեն՝ եկե՛ք, պավլիկմոռոզովություն արեք, եթե պետք է իրենք իրենցից հանձնաժողովներ ստեղծեն և մեզ չներգրավեն, պատկերացնում եմ՝ ինչ կլինի»:
Factor.am-ը Ռուբեն Սահակյանից հետաքրքրվեց նաև՝ տեղյա՞կ է, թե երկրորդ նախագահն ինչու ՀՅԴ հանրահավաքին չի մասնակցում: «Չգիտեմ, գուցե այստեղ է: Դա իր գործն է»,- պատասխանեց Ռուբեն Սահակյանը:
Մանրամասները՝ տեսանյութում:
