13.08.2026 | 01:00
ՊՍԺ-ն` Եվրոպայի Սուպերգավաթի հաղթող. ՏԵՍԱՆՅՈՒԹ
ՊՎԾ պետի պաշտոնակատարը պոպուլիստական հայտարարություն է արել. Վալերի Օսիպյանը՝ ոստիկանության խախտումների մասին. ՏԵՍԱՆՅՈՒԹ
Քաղաքականություն
23.05.2019 | 13:52
Ոստիկանությունում չարաշահումների մասին ՊՎԾ պաշտոնակատարի հայտարարությունը ոստիկանապետ Վալերի Օսիպյանը պոպուլիստական է որակում:
«Պարզաբանումը, որ ՊՎԾ պաշտոնակատարը ներկայացրել է, կարծում եմ՝ կրում է պոպուլիստական բնույթ: Ես կոռեկտ չեմ համարում այս փուլում, դեռևս քննությունը չավարտած, փորձում են ենթադրյալ մեղադրանքներով ներկայացնել անձանց: Ինքը շտապեց, միգուցե դիլետանտություն է»,- այսօր լրագրողների հետ ճեպազրույցում ասաց Վալերի Օսիպյանը:
ՊՎԾ պետի պաշտոնակատար Արգիշտի Քյարամյանը, հիշեցնենք, հայտարարել էր, որ ուսումնասիրելով պետհամարանիշերի ձեռքբերման գործընթացը՝ ՊՎԾ-ն արձանագրել է, որ 2008-ից սկսած՝ խախտվել է Գնումների մասին օրենքը: Քյարամյանը նաև նշել էր, որ արձանագրված խախտումները եղել են թե՛ նախկինում, թե՛ ոստիկանապետ Վալերի Օսիպյանի ղեկավարման օրոք:
Ըստ նրա՝ ոստիկանությունը պետհամարանիշերի ձեռքբերման ընթացակարգում ստեղծել է ոչ մրցակցային իրավիճակ: Կառույցն առաջիկայում կամփոփի ուսումնասիրություններն ու նյութերը կուղարկի Հատուկ քննչական ծառայություն (ՀՔԾ): Ըստ Օսիպյանի՝ ոստիկանությունը գործում է թափանցիկ։
Մանրամասները՝ տեսանյութում։
Նարեկ Կիրակոսյան
