16.12.2025 | 21:33
Մաշտոցը կլինի թղթի վրա, իսկ հեռախոսները՝ միայն դասի համար. Ժաննա Անդրեասյանի արձագանքը՝ քննադատություններին
Կան որոշակի հրավերներ. ԱԺ աշխատակազմի ղեկավարը՝ Միրզոյանի գործուղումներին 183 մլն հատկացնելու մասին. ՏԵՍԱՆՅՈՒԹ
Տնտեսություն
16.05.2019 | 13:50
Հանրության համար Ազգային ժողովն ավելի բաց սարքելու համար են տեղադրվում ռենտգեն սարքերը: Կառավարության նիստից հետո լրագրողների հետ զրույցում ասաց ԱԺ աշխատակազմի ղեկավար Տիգրան Գալստյանը՝ պատասխանելով հարցին, թե ինչո՞ւ է խորհրդարանը գործադիրից լրացուցիչ 85 մլն դրամ ուզում՝ անցակետերում ռենտգեն սարքերը թարմացնելու համար:
Factor.am-ի դիտարկմանը, որ Կառավարության կողմից հաստատված նախագծի համաձայն՝ սարքերից մեկը տեղադրվելու է ԱԺ նախագահի աշխատասենյակի հարակից անցակետում՝ Տիգրան Գալստյանը պարզաբանեց. «Ռենտգեն սարքերից միայն կամարն է տեղադրվելու, իսկ այն սարքավորումը, որը պայուսակների համար է, այլ տարածքում է դրվելու»:
Տիգրան Գալստյանն ասաց, որ անվտանգությունն ուժեղացնելու մտահոգություն չկա, պարզապես եղած սարքավորումներն են հին:
183 միլոն դրամ էլ հատկացվում է ԱԺ նախագահի գործուղումներին: Լրագրողները Տիգրան Գալստյանից հետաքրքրվեցին՝ ինչո՞ւ է ավելացել խորհրդարանի նախագահի գործուղումների թիվը: «Կան որոշակի հրավերներ: Դրանք բաշխված են երեք տարվա մեջ»,- ասաց աշխատակազմի ղեկավարը:
Մանրամասները՝ տեսանյութում:
Նարեկ Կիրակոսյան
