Արման Բաբաջանյանը՝ Արթուր Դավթյանի՝ պաշտոնների նշանակված բարեկամների և կես միլիոն դոլարանոց տան մասին․ՏԵՍԱՆՅՈՒԹ

Ձեր օրը փչացնեմ․ այսպես սկսեց Ազգային ժողովում իր ելույթը «Լուսավոր Հայաստան» խմբակցության պատգամավոր Արման Բաբաջանյանը ու դիմելով  ՀՀ գլխավոր դատախազին ու դահլիճում ներկա պատգամավորներին ասաց․ «Պարոն դատախազ, Դուք այստեղ կոռուպցիոն բացահայտումների մասին էիք խոսում, հորդորում կոռուպցիայից անմանս մնալ, սակայն.

արդյոք կոռուպցիա չէ՞ այն փաստը, որ Գլխավոր դատախազության տեղեկատվական տեխնոլոգիաների և անվտանգության վարչության պետի պաշտոնում նշանակել եք Ձեր զարմիկին՝ Սարգիս Թարխանյանին,

արդյոք կոռուպցիա չէ՞ այն փաստը, որ 2017 թվականին Լոռու մարզի դատախազ ենք նշանակել Ձեր սանիկին՝ Արսեն Մարտիրոսյանին,

արդյոք կոռուպցիա չէ՞ այն փաստը, որ 2016 թվականին Լոռու մարզի դատախազ եք նշանակել Ձեր սանիկին՝ Կարեն Գաբրիելյանին,

արդյոք կոռուպցիա չէ՞ այն փաստը, որ Ձեր մտերիմին՝ Սևակ Հովհաննիսյանին, որը Էրեբունու դատախազությունում էր աշխատում, տեղափոխել եք Գլխավոր դատախազություն և ընդամենը 2 տարվա աշխատանքային փորձով նշանակել եք Արարատի դատախազ,

արդյոք կոռուպցիա չէ՞ այն փաստը, որ դառնալով  ՀՀ գլխավոր դատախազ որոշել եք անմիջապես փոխել դատախազական համազգեստը և պետությունից պահանջել եք 58 մլն դրամ,

արդյոք կոռուպցիա չէ՞ այն փաստը, որ որոշել եք շենքի վերևի հարկի վրա նոր հարկ կառուցել և այն պետության վրա արժեցել է 168 մլն դրամ ,

արդյոք կոռուպցիա չէ՞այն, որ պետությունից ծախսել եք 14 մլն դրամ, կառուցել եք վերելակ, որն ուղիղ գնում է Ձեր աշխատասենյակ,

արդյոք կոռուպցիա չէ՞ այն, որ Դուք կառուցել եք կես մլն դոլար արժեցող տուն»։

Հիշեցնենք, որ Գլխավոր դատախազության շենքում միայն Արթուր Դավթյանին սպարկող  թանկարժեք վերելակի մասին Factor.am-ը գրել էր այս տարվա փետրվարի 5-ին:

Մանրամասները՝ տեսանյութում։