20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Մինչև տարեվերջ պետք է ևս 100 փաստ ունենանք հրապարակելու. Նիկոլ Փաշինյան. ՏԵՍԱՆՅՈՒԹ
Քաղաքականություն
10.05.2019 | 12:25
Կառավարության այսօրվա նիստի մեկնարկին վարչապետ Նիկոլ Փաշինյանը, իր բնորոշմամբ՝ հետհեղափոխական Կառավարության գործունեության մեկ տարվա առիթով շնորհակալություն հայտնեց գործադիրի անդամներին համատեղ աշխատանքի համար:
Նիկոլ Փաշինյանն անդրադարձավ իր վերջին ասուլիսին՝ հիշեցնելով, որ 100 փաստ հրապարակեց նոր Հայաստանի մասին և ամփոփեց Կառավարության գործունեության մեկ տարվա արդյունքները:
«Այդ փաստաթուղթը ես շատ եմ կարևորում, որովհետև դա կոնկրետ ցույց է տալիս, թե ինչ ենք արել մենք: Բայց ուզում եմ նաև ընդգծել, որ, ըստ էության, դրանով հաշվետվողականության նոր նշաձող է սահմանվել, և մենք պետք է հաշվետվողականության հենց այսպիսի ձևաչափ որդեգրենք: Ես ուզում եմ մեզ համար որպես խնդիր ձևակերպել, որ իմ տարեվերջյան ասուլիսում պետք է բոլորս միասին ևս 100 փաստ ունենանք հրապարակելու նոր Հայաստանի մասին», – ասաց Նիկոլ Փաշինյանը:
Մանրամասները՝ տեսանյութում:
Շողիկ Գալստյան
