16.01.2026 | 15:30
Պետությունը չի սուբսիդավորի սոցփաթեթի շահառուների 6000 դրամը․ ՏԵՍԱՆՅՈՒԹ
Եթե ԲՀԿ-ն ու ԼՀԿ-ն ամբողջ կազմերով վայր դնեն մանդատները, էլի արտահերթ ընտրություններ չեն լինի. ՏԵՍԱՆՅՈՒԹ
Քաղաքականություն
02.05.2019 | 19:59
«Բարգավաճ Հայաստան» խմբակցությունը մտավախություն չունի, որ խմբակցության ղեկավար Գագիկ Ծառուկյանը կարող է զրկվել պատգամավորական մանդատից։ Այս մասին Factor.am-ի հետ զրույցում ասաց խմբակցության պատգամավոր Նաիրա Զոհրաբյանը։
«Հույս ունեմ, որ ամեն ինչ կընթանա իրավական տիրույթում, այսինքն՝ որևէ քաղաքական ենթատեքստ չի լինելու, հետևապես այդ կուսակցության դիմումը որևէ իրավական հետևանք չի կարող ունենալ»,- ասաց Նաիրա Զոհրաբյանը՝ կրկին պնդելով, որ Ծառուկյանը բիզնեսով չի զբաղվում։
Ըստ Նաիրա Զոհրաբյանի՝ վերջին շրջանում «Բարգավաճ Հայաստան» խմբակցությանն և մասնավորապես Գագիկ Ծառուկյանին թիրախավորել են։
Հիշեցնենք, որ «Քաղաքացու որոշում» սոցիալ-դեմոկրատական կուսակցությունը՝ ի դեմս գործադիր մարմնի քարտուղար Սուրեն Սահակյանի, դիմում է ներկայացրել ԱԺ նախագահ Արարատ Միրզոյանին և ՀՀ Գլխավոր դատախազ Արթուր Դավթյանին՝ սույն թվականի ապրիլի 19-ին «Պետական տուրքի մասին ՀՀ օրենքում լրացումներ կատարելու մասին» օրենքի նախագծի քննարկման ժամանակ ԱԺ նիստերի դահլիճում և դրանից դուրս լրագրողների հետ շփումներում հնչեցրած հայտարարությունների հետ կապված քրեական հետապնդում հարուցելու և ԲՀԿ խմբակցության ղեկավար Գագիկ Ծառուկյանին պատգամավորական մանդատից զրկելու գործընթաց սկսելու հարցով՝ հաշվի առնելով պատգամավորի ձեռնարկատիրական գործունեությամբ զբաղվելու արգելքը։
Մանրամասները՝ տեսանյութում:
Շողիկ Գալստյան
