08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Կոռուպցիայի դեմ պայքարում կարևոր է գործադիր մարմնի նախաձեռնողականությունը. գլխավոր դատախազն ԱԺ-ում է. ՏԵՍԱՆՅՈՒԹ
Հասարակություն
02.05.2019 | 11:07
«Մենք առանձնացրել ենք երկու ուղղություն, որոնցով ունեցել ենք վատագույն արդյունքներ: Մեկը հափշտակությունների և բնակարանային գողությունների աճն է, նախորդ տարվա համեմատ գրանցվել է 60 տոկոս աճ: Երկրորդը ճանապարհային երթևեկության կանոնների խախտումների աճն է՝ 30 տոկոսով: Մահվան ելքով պատահարները 25 տոկոս աճ են գրանցել»,- այսօր ՀՀ Ազգային ժողովում դատախազության տարեկան հաշվետվությունը ներկայացնելիս ասաց գլխավոր դատախազ Արթուր Դավթյանը:
Ինչ վերաբերում է դրական ցուցանիշներին, ապա դրանք գրանցվել են սպանության դեպքերի հետ կապված:
«Վերջին 30-40 տարում ամենացածր ցուցանիշն ենք ունեցել. 38 սպանություն է տեղի ունեցել 2018 թվականին: Այսպիսի երկնիշ թվերով արդյունք ունեցել ենք 80-ական թվականներին, 90-ականներին՝ արդեն եռանիշ՝ 350-360 սպանության մասին է խոսքը, բարձրանում է մինչև 98 թ., դրանից հետո եռանիշ չենք ունեցել: Նվազում ենք ունեցել հանրային վտանգավոր այնպիսի հանցատեսակներում, ինչպիսիք են առողջությանը վնաս հասցնելու, ավազակության դեպքերը: Հանցագործության պատկերում բացասական ցուցանիշներ չունենք»,- նշեց Դավթյանը:
Մանրամասները՝ տեսանյութում։
Շողիկ Գալստյան
