20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Մեր երկրի հիմնական ցավն այն է, որ իրար հետ չենք կարողանում լեզու գտնել․ Նարինե Թուխիկյան. ՏԵՍԱՆՅՈՒԹ
Քաղաքականություն
26.04.2019 | 12:59
Մշակույթի ոլորտում ահռելի աշխատանք կա անելու, և դա հնարավոր է անել: Մարզերում մշակութային խնդիրներին նվիրված քննարկման ժամանակ նման կարծիք հայտնեց ՀՀ ԱԺ «Իմ քայլը» խմբակցության պատգամավոր Նարինե Թուխիկյանը:
Քննարկման մեկնարկին ցուցադրված Factor.am-ի տեսանյութից պատգամավորը ծանր տպավորություն է ստացել: Ասաց՝ մշակույթի ոլորտից գնացել է Ազգային ժողով՝ հստակ պատկերացնելով, որ ահռելի աշխատանք կա անելու. «Այստեղ հարցը ֆինանսները չեն, փողը չէ, հարցը տեսլական ու կամք ունենալն է և ըմբռնելը, որ մշակութային հարցը առաջնային է: Այստեղից է սկսվում ամեն ինչ»:
Նարինե Թուխիկյանը կարծում է, որ խնդիրը միայն Մշակույթի նախարարությանը չէ. ամենատարբեր գերատեսչություններ միասին պետք է աշխատեն: «Մեր երկրի հիմնական ցավն այն է, որ մենք իրար հետ չենք կարողանում լեզու գտնել: Չենք կարողանում նստել սեղանի շուրջ և խնդրի մասին քննարկում կազմակերպել ու լուծում գտնել: Մենք բոլորս գիտենք մեր խնդիրների մասին, բայց դրանց լուծման ճանապարհը ցույց չենք տալիս»,- հավելեց նա:
Մանրամասները՝ տեսանյութում:
Ռոբերտ Անանյան
