16.01.2026 | 10:01
Արտարժույթների փոխարժեքները՝ հունվարի 16-ի դրությամբ
Հայկ Գևորգյանը ազնիվ չի եղել. Իվետա Տոնոյան. ՏԵՍԱՆՅՈՒԹ
Քաղաքականություն
25.04.2019 | 11:43
Պետք է արձանագրեմ, որ մեր գործընկեր Հայկ Գևորգյանն առնվազն ազնիվ չի եղել փաստերի տրամադրման առումով: Այսօր խորհրդարանական ճեպազրույցների ժամանակ այս մասին ասաց ԱԺ «Բարգավաճ Հայաստան» խմբակցության պատգամավոր Իվետա Տոնոյանը՝ անդրադառնալով «Արարատ ցեմենտ»-ի մասնավորեցման հետ կապված «Իմ քայլը» խմբակցության պատգամավոր Հայկ Գևորգյանի հայտարարություններին:
«Խորհրդարանական ամբիոնից հայտարարելով, թե մասնավորեցման գործընթացը 200 հազար դոլար է արժեցել, նա հստակեցնում էր պայմանագրի 2-րդ կետը, որով 200 հազար դոլար է ֆիքսված մասնավորեցման գործընթացի համար, սակայն չի նշում դրան հաջորդող 3-րդ կետը, որտեղ արդեն մնացած բոլոր ֆինանսական հարցերն են, մասնավորապես՝ 6 մլն 866 հազար դոլարի պարտքերի մարում և այլն»,- ասաց պատգամավորը՝ հավելելով, որ, ընդհանուր առմամբ, գործընթացը 10 մլն դոլարից ավելի է արժեցել:
Իվետա Տոնոյանի խոսքով՝ լինելով լրագրող՝ Հայկ Գևորգյանը շատ լավ հասկանում է, թե տվյալները մասնակի տրամադրելով՝ ինչպես է հնարավոր «մանիպուլյացիայի ենթարկել լրատվական դաշտը»:
Մանրամասները՝ տեսանյութում:
Շողիկ Գալստյան
