10.03.2026 | 12:34
Ամերիկայի գավաթ. Լևոն Արոնյանը դուրս է եկել եզրափակիչ
Պետական համակարգում բաջանաղներ չկան. Փաշինյանը 100 % կատարած խոստումներն է թվարկում
Քաղաքականություն
19.04.2019 | 20:24
Վարչապետ Նիկոլ Փաշինյանն այսօր՝ ապրիլի 19-ին, ֆեյսբուքյան ուղիղ եթերում պատասխանեց օգտատերերի հարցերին:
Սակայն նախքան դրանց անդրադառնալը խոսեց Կառավարության տված խոստումների և դրանց կատարման ընթացքի մասին:
«2018 թվականի ապրիլի 8-ին հայտարարել եմ, որ կառավարման միջին օղակներում կան մարդիկ, որոնք լուրջ պոտենցիալ ունեն և մենք չենք գալիս կադրային ջարդ անելու. կա քաղաքացիական ծառայության մասին օրենք և մենք ամեն ինչ անելու ենք, որ ամեն մի իշխանություն չգա ու իր բաջանաղին չմտցնի պետական կառավարման համակարգ: Հիմա հարց՝ այս խոստումը կատարվե՞լ է, այո՛, լիարժեք 100 տոկոսով կատարվել է»,-ասաց Փաշինյանը՝ նշելով, որ պետական համակարգի աշխատողների 97 տոկոսը նույն մարդիկ են և սա շատ դեպքերում Կառավարության համար դառնում է խնդիր, որովհետև հաճախ դրա համար քննադատվում են:
Անդրադառնալով մենաշնորհների դեմ պայքարի վերաբերյալ իր տված խոստումներին՝ հիշեցրեց, որ արդեն իսկ թվեր է հրապարակել է թե շաքարավազի, բանանի, բենզինի շուկայում մենաշնորհային դիրք գրավող ընկերությունների դերն ինչպես է կտրուկ նվազել:
«Կատարվե՞լ է մեր խոստումը, որ նոր Կառավարարությունում օլիգարխներ չեն լինելու, իհարկե՛, 100 տոկոսով կատարվել է»,-ասաց նա:
Այնուհետև վարչապետ Փաշինյանը հիշեցրեց նաև իր տված խոստումները ՀԱՊԿ անդամ մնալու, աշխարհաքաղաքական կտրուկ շրջադարձեր երկրում չունենալու, քաղաքական բանտարկյալներ ունեցող երկրի տիտղոսից ազատվելու մասին և հավելեց.
«Այդ խոստումները նույնպես 100 տոկոսով կատարվել են»:
