01.07.2026 | 21:13
Վարչական դատարանը բավարարել է Մայր Աթոռի հայցն ընդդեմ ոստիկանության
Հոլիվուդի Փառքի ծառուղում բացվել է Շառլ Ազնավուրի աստղը (տեսանյութ)
Մշակույթ
25.08.2017 | 14:21
Շառլ Ազնավուրը, որ շարունակում է գրել և համերգներով հանդես գալ 93 տարեկան հասակում, օգոստոսի 24-ին Հոլիվուդի Փառքի ծառուղում արժանացել է անվանական աստղի. գրում է France 24-ը:
Ութ տասնամյակ ձգվող կարիերայի ընթացքում Ազնավուրը ձայնագրել է 1400 երգ, որից 1300-ը գրել է անձամբ, և տարբեր լեզուներով ավելի քան 390 ալբոմ է թողարկել: Աստղը, չնայած իր անսովոր արտաքինին, խաղացել է մոտ 60 ֆիլմում ու այսօր Ֆրանսիայի ամենահայտնի երգիչներից է՝ «երկրի Ֆրենկ Սինատրան»:
Նշվում է, որ աստղը գտնվում է պատմական Pantages թատրոնի հարևանությամբ և Փառքի ծառուղու թվով 2618-րդ պատվո աստղն է:
Ազնավուրը կարճ շնորհակալություն է հայտնել հավաքվածներին՝ նշելով, որ հազվադեպ է հրապարակայնորեն անգլերեն խոսում: «Ֆրանսերենն իմ աշխատանքային լեզուն է, բայց իմ «ընտանեկան» լեզուն միշտ հայերենն է: Այս աստղը ստանալուց հետո ես նաև մի փոքր կալիֆոռնիացի եմ»,- ասել է շանսոնյեն:
