14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Ռոբերտ Քոչարյանն ընդդեմ Սիլվա Համբարձումյանի» գործով նիստի օրը հայտնի է
Հասարակություն
29.03.2019 | 17:40
ՀՀ երկրորդ նախագահ Ռոբերտ Քոչարյանն ընդդեմ գործարար Սիլվա Համբարձումյանի քաղաքացիական գործով նիստը տեղի կունենա ապրիլի 16-ին։ Այս մասին տեղեկանում ենք «Դատալեքս» դատական տեղեկատվական համակարգից։
Նշենք, որ քաղաքացիական այս գործը մակագրվել է դատավոր Էդիկ Ավետիսյանին։ Հայցադիմումը ներկայացվել է Ռոբերտ Քոչարյանի ներկայացուցիչ Արամ Օրբելյանի կողմից՝ զրպարտություն հանդիսացող փաստացի տվյալները հերքելու և 2 միլիոն ՀՀ դրամ փոխհատուցում բռնագանձելու պահանջներով:
Հայցադիմումի հիմք է հանդիսացել Սիլվա Համբարձումյանի կողմից 02.11.2018 թվականին մամուլի ասուլիսի ժամանակ հնչեցված հետևյալ արտահայտությունը․ «Ես 2008 թվականին խոշոր գործարք եմ արել արաբների հետ և ինձ չխանգարելու համար վճարել եմ և՛ հանրապետության նախագահին՝ Քոչարյան Ռոբերտին»:
Սիլվա Համբարձումյանը, հիշեցնենք, այժմ հերքում է Քոչարյանին կաշառք տալու մասին հայտարարությունը, ասում է՝ գումարը տվել է Սամվել Մայրապետյանին, իսկ թե վերջինս ում է փոխանցել, տեղյակ չէ։
Լիլիթ Շաբոյան
