28.04.2026 | 21:14
ՔՊ-ն ԱԺ պետաիրավական հարցերի մշտական հանձնաժողովի նախագահի թեկնածու է առաջադրել
Կառավարության քաղաքական որոշման արդյունքն է. Զեյնալյանը՝ փոխնախարարների ազատման մասին. ՏԵՍԱՆՅՈՒԹ
Քաղաքականություն
27.03.2019 | 13:05
Նախարարի տեղակալի պաշտոնները քաղաքական պաշտոններ են, նրանց ազատումը քաղաքական որոշման արդյունք է: Այս մասին ԱԺ-ում լրագրողների հետ զրույցում ասաց ՀՀ արդարադատության նախարար Արտակ Զեյնալյանը՝ անդրադառնալով հարցին, թե ինչու են աշխատանքից ազատվել արդարադատության փոխնախարարներ Արթուր Հովհաննիսյանն ու Սուրեն Քրմոյանը:
«Սա մեր Կառավարության քաղաքական որոշման արդյունքն է: Սա ընդհանուր որոշման արդյունք է: Ձևաբանական առումով նախարարը ներկայացնում է առաջարկությունը, վարչապետը հաստատում է կամ ոչ»,- ասաց նախարարը:
Լրագրողի հարցին ի պատասխան՝ Արտակ Զեյնալյանն ասաց նաև, որ փոխնախարարների պրոֆեսիոնալիզմից գոհ էին: Նա չմեկնաբանեց այն տեղեկությունները, որ փոխնախարարներին պաշտոնից ազատել են այն պատճառով, որ տոներն անցկացրել էին արտերկրում: Հիշեցնենք, որ Նիկոլ Փաշինյանի կողմից ներքին կարգադրություն էր եղել, որ տոներն անցկացնեն Հայաստանում: Տեղեկություններ կան, որ արդարադատության փոխնախարար նշանակվելու է Կառավարության կադրային բանկից:
Մանրամասները՝ տեսանյութում:
Նարեկ Կիրակոսյան
