03.09.2026 | 19:29
Մենք նոր իրավիճակում ենք հայտնվել և փայփայում ենք, որ խաղաղությունը շարունակական լինի. ՀՀ նախագահը՝ Չեխիայի նախագահին
ԱՄՆ-ն Իրանի դեմ նոր պատժամիջոցներ է կիրառել
Քաղաքականություն
22.03.2019 | 22:12
ԱՄՆ-ն Իրանի դեմ նոր պատժամիջոցներ է կիրառել։ Այս մասին հայտնում է Riafan.ru-ն։ Պատժամիջոցները կանդրադառնան միջուկային զենքի մշակմանը մասնակցած փորձագետների և 17 իրավաբանական անձանց:
Հայտնի է, որ պատժամիջոցների տակ հայտնվել են այն փորձագետները, որոնք համագործակցել են Իրանի պաշտպանական նորարարությունների և հետազոտությունների կազմակերպության (SPND) հետ: ԱՄՆ-ում պնդում են, որ այդ կազմակերպությունը ոչ միայն մշակել է միջուկային զենքի ստեղծման տեխնոլոգիաներ, այլ զբաղվել արտերկրից դրանց ձեռքբերմամբ։
ԱՄՆ-ի կողմից սահմանափակող նոր միջոցների կիրառումից հետո իրանական այն կազմակերպությունների ու ֆիզիկական անձանց թիվը, որոնց նկատմամբ արդեն կիրառված պատժամիջոցներ կային, աճել է՝ հասնելով 960-ի։
Հիշեցնենք, որ 2018-ի գարնանը ԱՄՆ նախագահ Դոնալդ Թրամփը հայտարարել էր, որ Վաշինգտոնը դուրս է գալիս Իրանի հետ կնքված միջուկային գործարքից և վերադառնում Թեհրանի դեմ պատժամիջոցների քաղաքականությանը։
Հոկտեմբերի վերջին Արդարադատության միջազգային դատարանը սատարել էր Թեհրանի պահանջը և վճռել, որ հակաիրանական պատժամիջոցները պետք է թուլացվեն: Որոշման մեջ նշվում էր սննդի և դեղորայքի առևտրի սահմանափակումների մասին։ Այնուամենայնիվ, ԱՄՆ-ն Արդարադատության միջազգային դատարանի որոշումը հաշվի չի առել։
Նելլի Մելքոնյան
