28.09.2026 | 11:42
Հայաստանի և Իրանի ներկայացուցիչները քննարկել են բեռնափոխադրման խոչընդոտները
Լիբանանի նախագահական պալատում տեղի է ունեցել Ֆրանկոֆոնիայի միջազգային օրվան նվիրված հանդիսավոր միջոցառում
Քաղաքականություն
21.03.2019 | 21:23
ՀՀ ԱԳՆ-ից տեղեկացնում են, որ Լիբանանի նախագահական պալատում տեղի է ունեցել Ֆրանկոֆոնիայի միջազգային օրվան նվիրված հանդիսավոր միջոցառում, որին ելույթ է ունեցան Լիբանանի նախագահ Միշել Աունը և ՀՀ դեսպան Վահագն Աթաբեկյանը:
«Իր խոսքում Վահագն Աթաբեկյանը հակիրճ ներկայացրեց ՖՄԿ-ում Հայաստանի նախագահության երկու տարիների առաջնահերթություններն ու ծրագրերը:
Անդրադառնալով Ֆրանկոֆոնիայի երևանյան գագաթաժողովի կարգախոսին, ՀՀ դեսպանը նշեց, որ «Ապրել միասին»-ը նաև Լիբանանի նշանաբանն է՝ բազմաշերտ ու բազմադավան համայնքային կառուցվածքով և կառավարման համակարգով: «Այդ կարգախոսը նաև խորհրդանշում է հավաքական ուղերձը աշխարհասփյուռ հայ ժողովրդի, որի զավակները՝ պահպանելով հավատարմությունն իրենց ազգային արմատներին և ինքնությանը, միաժամանակ հանդիսանում են իրենց հյուրընկալած երկրների օրինակելի քաղաքացիները, և Լիբանանն ու լիբանանահայությունը դրա վառ օրինակն են»,- ընդգծեց ՀՀ դեսպանը:
Միջոցառմանը ներկա էին Լիբանանի արտաքին գործերի նախարարը, կառավարության այլ անդամներ, ինչպես նաև Բեյրութում հավատարմագրված դեսպանները»,- ասված է հաղորդագրությունում:
