15.12.2025 | 12:22
Մահացել է կոմպոզիտոր Լևոն Օգանեզովը
Այո, պարգևատրումները եղել են այս ամիս, լինելու են նաև առաջիկայում. Դավիթ Անանյան. ՏԵՍԱՆՅՈՒԹ
Տնտեսություն
21.03.2019 | 19:23
Հարցերը հիմնականում վերաբերվում են Հարկային օրենգրքի փոփոխություններին, տնտեսական հեղափոխության հետ կապված որոշակի մտահոգություններին:
Այս մասին ԲՀԿ-ական պատգամավորների հետ հանդիպումից հետո Factor.am-ի հետ զրույցում ասաց ՊԵԿ նախագահ Դավիթ Անանյանը:
Մեր հարցին՝ արդյո՞ք Գագիկ Ծառուկյանի բիզնեսների հետ կապված հարկային արտոնությունների ակնկալիքներ կային ԲՀԿ-ականների կողմից, Անանյանը բացասական պատասխան տվեց:
Մի քանի օր առաջ կրկին աղմուկ էր բարձրացել, որ ՊԵԿ-ում պարգևավճարներ են տրվել:
Factor.am-ն Անանյանից հետաքրքրվեց՝ ինչպե՞ս է, որ անկախ հասարակական աղմուկից՝ շարունակում են պարգևավճարներ տալ:
«Հասարակական աղմուկ չէի ասի, եկեք դրա անունը դնենք հասարակական վրդովմունք: Մենք ոչ թե պարգևավճարներ ենք տալիս, այլ համարեք, որ դրանք աշխատավարձի հավելավճարներ են: Այո՛, պարգևատրումներ եղել են այս ամիս, լինելու են նաև առաջիկայում, բայց լինելու են խելամտության շրջանակում»,- ասաց ՊԵԿ նախագահը:
Մանրամասները՝ տեսանյութում:
Նարեկ Կիրակոսյան
