13.08.2026 | 13:07
Ադրբեջանցի մասնագետները 2025 թվականի սեպտեմբերին են ՀՀ տարածքում ուսումնասիրություն իրականացրել. Փաշինյան. ՏԵՍԱՆՅՈՒԹ
Ասելիք շատ ունեմ և կուզենայի, որ գնային այդ ճանապարհով․ Վահան Շիրխանյանը՝ Քոչարյանի իրեն դատի տալու հավանականության մասին
Հասարակություն
21.03.2019 | 17:27
ՀՀ երկրորդ նախագահ Ռոբերտ Քոչարյանի պաշտպանական թիմը չի շտապում մեկնաբանել, թե արդյոք պատրաստվում է դատական հայց ներկայացնել ՀՀ պաշտպանության նախկին փոխնախարար Վահան Շիրխանյանի դեմ։
Factor.am-ի հետ զրույցում ասացին՝ չենք մեկնաբանում։ Մինչդեռ Վահան Շիրխանյանը «սպասում է» դրան:
«Ես դեռ ասելիք շատ ունեմ և շատ կուզենայի, գնային այդ ճանապարհով»,- Factor.am-ին փոխանցեց Շիրխանյանը։
Հիշեցնենք, որ նա օրերս 23 կետից բաղկացած բաց նամակով դիմել էր Ռոբերտ Քոչարյանին։ Նամակում նկարագրված են 1998 -1999 թվականների իրադարձությունների Շիրխանյանի դիտարկումները:
Այս նամակը դատախազությունն ուսումնասիրում է։ Ի դեպ, այս ընթացքում Ռոբերտ Քոչարյանը 5 դատական հայց է ներկայացրել, մեկը՝ ՀՀ վարչապետ Նիկոլ Փաշինյանի դեմ, մյուսը՝ Սիլվա Համբարձումյանի, մյուս 3-ը՝ «Առաջին լրատվականի» դեմ:
Լիլիթ Շաբոյան
