14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Դատարանը չպետք է կարողանա փաստաբանին և դատախազին տուգանել. Արթուր Դավթյան. ՏԵՍԱՆՅՈՒԹ
Հասարակություն
21.03.2019 | 15:08
ԱԺ մարդու իրավունքների պաշտպանության և հանրային հարցերի մշտական հանձնաժողովի նիստում քննարկման ներկայացվեց «ՀՀ քաղաքացիական դատավարության օրենսգրքում լրացում կատարելու մասին» և կից ներկայացված նախագծերի փաթեթը: Նախագծի հեղինակը «Իմ քայլը» խմբակցության պատգամավորներ Արթուր Դավթյանն և Ալեն Սիմոնյանն են:
Հիմնական զեկուցող Արթուր Դավթյանը նշեց, որ նախագծի համաձայն՝ դատական տուգանքը չի կարող կիրառվել գործի քննությանը մասնակցող դատախազի և գործի քննությանը՝ որպես գործին մասնակցող անձի ներկայացուցիչ մասնակցող փաստաբանի նկատմամբ:
Ըստ նրա՝ դատախազների և փաստաբանների նկատմամբ դատական տուգանք կիրառելու հնարավորություն նախատեսող նորմերը, որոնք ուժի մեջ են մտել 2019 թվականի հունվարի 1-ից, պետք է փոփոխվեն, և ներկայացրեց հիմնավորումները: Ըստ զեկուցողի, երբ օրենքմ ընդունվել է, բացակայել է փաստաբանների նկատմամբ դատական տուգանքի սահմանման անհրաժեշտությունը:
«Դատական պրակտիկայում չենք ունեցել նույնիսկ մեկ դեպք, երբ խնդիր առաջանա, և դատավորի կողմից փաստաբանին կամ դատախազին տուգանենք: Այսինքն՝ նման ժամանակին օրենք ընդունելու կարիք չի ունեցել ԱԺ-ն»,- ասաց նա:
Բացի այդ՝ նա նշեց, որ դատական տուգանքը կարող է վտանգել փաստաբանի անկախությունը: «Մեր նպատակն է, որ արդար դատական համակարգ ունենանք, հավասար, մրցակցային թե՛ դատախազ, թե՛ փաստաբանություն ունենանք, ուստի գտնում եմ, որ դատարանը չպետք է նման լիազորություններ ունենա և նիստի ժամանակ դատավորը փաստաբանին և դատախազին տուգանի»,- ասաց նա: Պատգամավորն ասաց՝ Կառավարության կողմից լրամշակում է տեղի ունեցել, որ Կառավարությունը դեմ չի եղել, որ չլինի տուգանք, ուղղակի ավելացրել է, որ փաստաբանի վերաբերյալ դատարանի որոշումը գնա Փաստաբանների պալատ և ՓՊ-ի որոշման հիման վրա տուգանեն կամ ոչ: Իսկ դատախազի դեքպում գլխավոր դատախազը որոշի՝ տուգանել, թե՞ ոչ: Հարցի քվեարակությունը երկու ամսով հետաձգվեց:
Մանրամասները՝ տեսանյութում:
Նարեկ Կիրակոսյան
