09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Անընդունելի է Ցեղասպանության ճանաչումը Թուրքիայի հետ հարաբերությունների լարվածության ֆոնին. ԱԳՆ
Քաղաքականություն
20.03.2019 | 13:42
Հ դիվանագիտական ցանցի ընդլայնման հնարավորությունը մշտապես եղել է Հայաստանի քաղաքական օրակարգում, դա պայմանավորված է դիվանագիտական ծառայության արդյունավետության բարձրացման ուղղությամբ իրականացվող շարունակական բարեփոխումներով: Մարտի 20-ին հրավիրված ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը՝ պատասխանելով Իսրայելում Հայաստանի դեսպանատան բացման մասին հարցին:
Ինչ վերաբերում է Իսրայել-Թուրքիա հարաբերություններում հերթական լարվածության ֆոնին Հայոց ցեղասպանության ճանաչման հարցը շահարկելուն, Աննա Նաղդալյանն ասաց. «Մեզ համար անընդունելի է Հայոց ցեղասպանության հարցի շահարկումը Թուրքիայի հետ հարաբերությունների որոշակի լարվածության ֆոնին»:
Ըստ նրա՝ Հայոց ցեղասպանությունն անհերքելի փաստ է, և դրա ճանաչումն ու դատապարտումը նախ բարոյական պատասխանատվություն է և հարգանքի տուրք անմեղ զոհերի հիշատակին: «Ցեղասպանությունների կանխարգելման գործընթացը համամարդկային արժեքների գերակայություն է, մարդու իրավունքների վերահաստատումն է՝ ուղղված դրանց կրկնության բացառմանը: Դրանք պետք է զերծ լինեն որևէ ներքաղաքական համատեքստից կամ աշխարհաքաղաքական զարգացումներից»,- հավելեց ԱԳՆ խոսնակը:
Մանրամասները՝ տեսանյութում:
