16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
ՀԱՊԿ գլխավոր քարտուղարի թեկնածուի վերաբերյալ փաստաթղթերն ուղարկվել են կազմակերպության անդամ երկրներին
Քաղաքականություն
20.03.2019 | 13:17
ՀԱՊԿ գլխավոր քարտուղարի պաշտոնում Բելառուսի թեկնածուի համաձայնեցման համար անհրաժեշտ բոլոր փաստաթղթերն ուղարկվել են կազմակերպության անդամ պետություններին: ՏԱՍՍ-ին այս մասին ասել է ՀԱՊԿ գլխավոր քարտուղարի պաշտոնակատար Վալերի Սեմերիկովը:
«Բելառուսի ներկայացրած թեկնածուի համաձայնեցման համար անհրաժեշտ բոլոր փաստաթղթերը դեռևս 2018 թվականի դեկտեմբերին ուղարկվել են ՀԱՊԿ անդամ երկրներին»,- ասել է նա:
Սեմերիկովի խոսքով՝ քանի որ թեկնածուի համաձայնեցման և որոշումների ստորագրման ժամկետները կազմակերպության փաստաթղթերով կանոնակարգված չեն, ասել, թե երբ կնշանակվի նոր գլխավոր քարտուղար, հնարավոր չէ:
Ավելի վաղ «Կոմերսանտը» գրել էր, որ ՀԱՊԿ-ն առաջիկա մեկ տարվա ընթացքում կարող է առանց լիարժեք գլխավոր քարտուղարի մնալ, քանի որ կազմակերպության անդամներից Հայաստանը չի համաձայնեցրել այդ պաշտոնում Բելառուսի Անվտանգության խորհրդի ղեկավար Ստանիսլավ Զասի նշանակումը:
Հիշեցնենք, որ 2018 թվականի նոյեմբերի 2-ին, հայկական կողմի նախաձեռնությամբ, Յուրի Խաչատուրովը հետ կանչվեց ՀԱՊԿ գլխավոր քարտուղարի պաշտոնից: Նրան Հայաստանում Մարտի 1-ի գործով մեղադրանք է առաջադրվել:
