09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մասիս Մայիլյանն Արցախի տեսակետն է հայտնել. ԱԳՆ խոսնակը՝ Մադրիդյան սկզբունքներից հրաժարվելու մասին. ՏԵՍԱՆՅՈՒԹ
Քաղաքականություն
20.03.2019 | 12:35
Արցախի ԱԳ նախարար Մասիս Մայիլյանը իր տեսակետը հայտնել է որպես Արցախի ներկայացուցիչ: Մարտի 20-ին տեղի ունեցած ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը՝ անդրադառնալով Մադրիդյան սկզբունքների վերաբերյալ Մասիս Մայիլյանի հայտարարության մասին հարցին:
«Արցախն ինքնուրույն քաղաքական միավոր է, որն ունի իր կողմից ընտրված իշխանությունը, ունի իր տեսակետը, և նա արտահայտել է իր կարծիքը որպես այդ քաղաքական միավորի ներկայացուցիչ»,- ասաց ԱԳՆ խոսնակը:
Աննա Նաղդալյանի խոսքով՝ Երևանի և Ստեփանակերտի միջև այս առումով հակասություն չկա. «Կան հարցեր, և մենք մշտապես համագործակցում ենք արցախյան գործընկերների հետ, և սա կարելի է համարել դրանցից մեկը»:
Ինչ վերաբերում է Փաշինյան-Ալիև առաջիկա հանդիպման օրակարգին, ԱԳՆ խոսնակն ասաց. «Վարչապետը դրան անդրադարձել է Անվտանգության խորհուրդների համատեղ նիստի ժամանակ, որ առաջիկա հանդիպումը հիմնականում նվիրված է լինելու նրան, թե ինչպես են մեկնաբանվում այն փաստաթղթում առկա դրույթներն ու սկզբունքները, որոնք վկայակոչվել են նաև ԵԱՀԿ ՄԽ համանախագահների կողմից»:
Մանրամասները՝ տեսանյութում:
