23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
«Սասնա ծռերի» գործով ևս երեք տուժող այսօր հարցաքննվեց
Հասարակություն
20.03.2019 | 12:25
ՊՊԾ գնդի գրավման գործով այսօրվա դատական նիստին շարունակվեց տուժողների հարցաքննությունը։ Ոստիկանության ծառայակից Փայլակ Մնացականյանը հայտնեց, որ Սարի թաղում հրազենային վնասվածք է ստացել։ Վերջինս, սակայն, ասաց, որ տեղյակ չէ, թե ով է եղել իրեն կրակողը․ «Ենթադրաբար կարող եմ ասել, որ կրակոցի ձայն եկել է գնդի տարածքից, բայց հստակ ասել չեմ կարող»։
Տուժողի հարցաքննությունից հետո Արմեն Բիլյանը հայտարարեց, որ հանրային պաշտպանները իրենց գործառույթները պատշաճ չեն կատարում։ Դատարանը, սակայն, նշեց, որ քանի որ բացի Զարուհի Փոստանջյանից մնացած պաշտպանները դատարան չեն ներկայանում, արդարացված է հանրային պաշտպանների ներկայությունը։
Հաջորդը հարցաքննվեց տուժող Մայիս Հովհաննիսյանը, որը դատարանին ասաց, որ գույքային վնաս է կրել, մասնավորապես վնասվել է իր մեքենան և պահանջում է դրամական փոխհատուցում։ Վերջինս, սակայն չգիտեր, թե կոնկրետ ում գործողությունների արդյունքում է ինքը գույքային վնաս կրել։
Հաջորդը ցուցմունք տվեց ոստիկանության ծառայակից Հրաչ Հայրապետյանը, նա ասաց, որ իր սենյակից ՊՊԾ գնդի գրավման օրերին անհետացել է 336 հազար դրամ գումար, որը եղել 1-02 շաբաթաթերթի գումարը։ Տուժողն ասաց նաև, որ կորցրել է իր ատրճանակը, որը հետագայում գտել են գնդի տարածքում։
Լիլիթ Շաբոյան
