16.01.2026 | 18:09
«Ռոսատոմ»-ի ձեռնարկության տնօրենը ձերբակալվել է՝ Ուկրաինայի զինված ուժերին ֆինանսավորելու կասկածանքով
Ալիևը կրկին խոսել է ԼՂ հակամարտության բանակցային ձևաչափի փոփոխության անընդունելիության մասին
Քաղաքականություն
20.03.2019 | 12:05
Ադրբեջանի նախագահ Իլհամ Ալիևը կրկին խոսել է ղարաբաղյան հակամարտության կարգավորման բանակցային ձևաչափի փոփոխության անթույլատրելիության մասին: Ալիևը հարցին անդրադարձել է Նովրուզի առիթով ժողովրդին հղած ուղերձում, հաղորդում է Interfax.az-ն:
«Հայկական կողմը բանակցությունների ձևաչափի փոփոխության հարց է բարձրացրել: Ադրբեջանը, բնականաբար, չի կարող ընդունել դա: Միաժամանակ, ԵԱՀԿ Մինակի խմբի համանախագահ երկրների դեսպանները նշել են, որ ձևաչափը պետք է անփոփոխ մնա, համանման հայտարարությամբ հանդես են եկել Եվրամիության բարձրաստիճան պաշտոնատար անձինք»,- ասված է Ադրբեջանի նախագահի ուղերձում:
Ալիևը նշել է նաև «Ադրբեջանի տարածքային ամբողջականության», միջազգային իրավունքի նորմերին և սկզբունքներին համապատասխան հակամարտության կարգավորման անհրաժեշտության մասին: Տարածաշրջանում կայունության և խաղաղության մասին նշելով՝ Իլհամ Ալիևը, միաժամանակ, հայտարարել է, որ Ադրբեջանը շարունակում է մեծացնել ռազմական հզորությունը:
