03.09.2026 | 20:30
Ատոմակայանի թիվ 2 էներգաբլոկը վերագործարկվել և միացվել է ՀՀ միասնական էներգահամակարգին
ԵՏՄ-ում ալկոհոլի և ծխախոտի միասնական շուկայի հարցով համաձայնագրերը գրեթե պատրաստ են. ԵՏՀ
Տնտեսություն
18.03.2019 | 18:31
ԵՏՀ մակրոտնտեսության և ինտեգրման հիմնական ուղղությունների նախարար Տատյանա Վալովայան հայտնել է, որ ԵՏՄ-ում ալկոհոլի և ծխախոտի միասնական շուկայի հարցով համաձայնագրերը գրեթե պատրաստ են, հաղորդում է ՄԻՐ-ը:
Վալովայան նշել է, որ միասնական շուկայի համար անհրաժեշտ է, մասնավորապես, արտադրանքի՝ նույն մակարդակի ակցիզային դրույքաչափեր սահմանել: Դրա համար հարկավոր է դրանց կարգավորման մեխանիզմներ մշակել:
ԵՏՄ կոլեգիայի անդամներն իրենց հերթին նշել են, որ համապատասխան համաձայնագրերը պետք է ստորագրվեն ԵՏՄ անդամ բոլոր 5 պետությունների կողմից:
ԵՏՄ անդամ պետությունները 2015 թ. խնդիր են դրել հինգ տարվա ընթացքում մոտեցնել ծխախոտային և ալկոհոլային արտադրանքի ակցիզների դրույքաչափերը: Այս տարվա հունվարի վերջին Տատյանա Վալովայան հաղորդել էր, որ ԵՏՀ-ն հույս ունի նման արտադրանքի ընդհանուր շուկայի ստեղծման հարցում առաջընթացի հասնել արդեն 2019 թվականին:
