02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
«Լուսավոր Հայաստան» խմբակցությունը դիմել է ՀՀ կառավարությանը՝ կառավարության կազմում տեղի ունեցող կրճատումների հետ կապված խնդրի առնչությամբ
Քաղաքականություն
15.03.2019 | 10:55
Ազգային ժողովի «Լուսավոր Հայաստան» խմբակցությունը դիմել է ՀՀ կառավարությանը՝ կառավարության կազմում տեղի ունեցող կրճատումների հետ կապված խնդրի առնչությամբ։ Այս մասին ֆեյսբուքյան իր էջում արված գրառմամբ տեղեկացրել է խմբակցության ղեկավար Էդմոն Մարուքյանը:
«Սիրելի՛ քաղաքացիներ,
ԱԺ «Լուսավոր Հայաստան» խմբակցությունը հարցապնդմամբ դիմել է ՀՀ կառավարությանը՝ կառավարության կազմում տեղի ունեցող կրճատումների հետ կապված խնդիրների կապակցությամբ։ Մասնավորապես՝
– ո՞րն է կառավարության տեսլականն իր կազմում կատարվող փոփոխությունների հետ կապված
– որո՞նք են կրճատվող ԾԻԳ-երը և ՊՈԱԿ-ները
– ի՞նչ սկզբունքով են կատարվելու հաստիքների և աշխատակիցների կրճատումները և արդյո՞ք կառավարությունը պատրաստ է առերեսվել կրճատված կադրերի գործազրկության խնդրի հետ
– ի՞նչ սկզբունքով է չափվելու կրճատվող և տեղում մնացող աշխատակիցների աշխատանքի արդյունավետությունը
– և վերջապես, որքանո՞վ կբարձրանան պետական հատվածի աշխատավարձերը, նպաստները և/կամ կենսաթոշակներն ազատված միջոցների հաշվին
Հարցապնդման պատասխանը կքննարկվի ԱԺ պլենար նիստում»:
