07.02.2026 | 14:00
ԱՄՆ-ը զենքի առաջնահերթ տեսակների կատալոգ կստեղծի
Թփերը տեղափոխվում են, որպեսզի ապամոնտաժման արդյունքում չվնասվեն. Խաչիկ Հակոբյան. ՏԵՍԱՆՅՈՒԹ
Տեսանյութեր
15.03.2019 | 10:30
Օպերային հարակից տարածքում սրճարանների ապամոնտաժման աշխատանքներին զուգահեռ՝ քաղաքապետարանի բնապահպանական վարչության աշխատակիցները ժամանակավորապես հեռացնում են կանաչ զանգվածը:
«Այն թփերը, այն կանաչ զանգվածը, որը հնարավոր է ժամանակավորապես տեղափոխել, որպեսզի չվնասվեն այս բարեկարգման պրոցեսում, մեր մասնագետների կողմից կհեռացվեն, մի մասը կտնկվի այլ վայրում, մյուս մասը՝ նորից այստեղ»,- ասաց քաղաքապետարանի բնապահպանական վարչության պետ Խաչիկ Հակոբյանը:
Նրա խոսքով՝ սրճարանների արդյունքում նույնպես ծառերն էական վնաս են կրել:
«Տարիներ շարունակ եղել է ստվեր, սահմանափակ հողային զանգված, չի եղել համապատասխան խնամք, ոռոգման հնարավորություն: Ծառերը կազատագրվեն, հողային շերտը կապահովվի, կպարարտացվի»,- հավելեց քաղաքապետարանի պաշտոնյան:
Տարածքում կան նաև ծառեր, որոնք ծերացած են կամ վնասված: «Կտրվի մասնագիտական գնահատական, և դրանք համապատասխան խնամքի կենթարկվեն, մի քանիսն էլ, գուցե, կհեռացվեն»,- ասաց Խաչիկ Հակոբյանը:
Մանրամասները՝ տեսանյութում:
