17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Եվրամիությունը սիրիացի փախստականների համար 1․5 միլիարդ եվրո կտրամադրի Թուրքիային
Քաղաքականություն
14.03.2019 | 23:00
Եվրամիությունը (ԵՄ) 1․5 մլրդ եվրո կտրամադրի Թուրքիային՝ սիրիացի փախստականներին աջակցելու նպատակով։
Այս մասին տեղեկացրել է Եվրամիության՝ անվտանգության և արտաքին հարաբերությունների հարցերով բարձրագույն ներկայացուցիչ Ֆեդերիկա Մոգերինին։ Այս մասին գրում է ermenihaber.am-ը։
Ելույթ ունենալով Բրյուսելում ԵՄ-ի և ՄԱԿ-ի կողմից կազմակերպված «Աջակցություն Սիրիայի և տարածաշրջանի զարգացմանը» խորագրով կոնֆերանսի բացման ժամանակ՝ Մոգերինին տեղեկացրել է, որ ԵՄ-ն 2019, 2020 և 2021 թվականներին սիրիական ճգնաժամի հաղթահարման նպատակով 560-ական միլիոն եվրո ծավալով բյուջե է նախատեսել։
Այդ համատեքստում ԵՄ ներկայացուցիչը անդրադարձել է նաև Թուրքիային խոստացված ֆինանսական աջակցության հարցին
«Ուզում եմ ևս մեկ անգամ հավաստիացնել, որ սիրիացիների համար Թուրքիային խոստացված երկրորդ 3 մլրդ եվրոյից 1․5 միլիարդը պատրաստվում ենք վճարել»,- նշել է Մոգերինին՝ շնորհակալություն հայտնելով Թուրքիային, Հորդանանին և Լիբանանին՝ սիրիական ճգնաժամի ընթացքում սիրիացի փախստականներին ցույց տված աջակցության համար։
