07.02.2026 | 15:33
Գևորգ Պապոյանը զբոսաշրջության ոլորտի գործարարների հետ քննարկել է զարգացման ռազմավարական ծրագիրը
ՄԻՊ ներկայացուցիչները Ոստիկանության բաժիններում են. արձանագրվել են տուժած ոստիկաններ և ցուցարարներ
Հասարակություն
14.03.2019 | 22:13
«Այս պահին ևս Մարդու իրավունքների պաշտպանի ներկայացուցիչները գտնվում են Ոստիկանությունում` Օպերայի հարակից տարածքից Արաբկիրի, Կենտրոնի և Էրեբունու բաժիններ բերման ենթարկվածների հարցով»։ Այս մասին տեղեկանում ենք ՀՀ մարդու իրավունքների պաշտպան Արման Թաթոյանի ֆեյսբուքյան պաշտոնական էջից:
«Պաշտպանի ներկայացուցիչներն առանձնազրույցներ են ունեցել բերման ենթարկվածների հետ, ստուգել նրանց բերման ենթարկելու հիմքերն ու իրավունքների ապահովման վիճակը:
Արձանագրվել են նաև տուժած ոստիկանների ու ցուցարարների դեպքերը։
Օպերայի հարակից տարածքի սրճարանների ապամոնտաժմանն առնչվող իրադարձությունները, դրա հետ կապված՝ Ոստիկանության ու քաղաքապետարանի գործողությունները գտնվում են Մարդու իրավունքների պաշտպանի մշտադիտարկման ներքո»,-ասված է գրառման մեջ։
