28.09.2026 | 11:11
ՏԻՄ ընտրությունների օրը ՆԳՆ 112 հեռախոսահամարին հանցագործությունների վերաբերյալ ահազանգ չի ստացվել
Արցախի`բանակցություններին միանալը բխում է Մինսկի խմբի ֆորմատից․ Հովհաննես Իգիթյան. ՏԵՍԱՆՅՈՒԹ
Քաղաքականություն
13.03.2019 | 18:44
Հայաստանի և Արցախի Անվտանգության խորհուրդների՝ Ստեփանակերտում անցկացված համատեղ նիստին Ադրբեջանի արձագանքն ու ԱԳՆ ներկայացուցչի հայտարարությունն այնքան անհեթեթ է, որ հնարավոր չէ մեկնաբանել:
Factor.am-ի հետ զրույցում այս մասին ասաց ՀՀ Ազգային ժողովի «Իմ քայլը» խմբակցության պատգամավոր Հովհաննես Իգիթյանը: Նրա խոսքով՝ Այն հանգամանքը, որ Հայաստանի Անվտանգության խորհուրդը համատեղ նիստ է անցկացնում Ստեփանակերտում Արցախի Անվտանգության խորհրդի հետ, չի նշանակում, որ դա միասնական Անվտանգության խորհուրդ չէ, դրանք տարբեր հանրապետությունների երկու ԱԽ-ներն են:
«Ընդ որում՝ սրա մասին շեշտել է նաև Ադրբեջանի ԱԳՆ ներկայացուցիչը՝ նշելով, որ Ստեփանակերտում անցկացվել է Ղարաբաղի և Հայաստանի խորհուրդների համատեղ նիստ: Այստեղից միայն մեկ հետևություն կարելի է անել, որ մենք ունենք տարբեր պետական մարմիններ, որոնք համագործակցում են»,- հավելեց Իգիթյանը: Ինչ վերաբերում է բանակցություններին Արցախի միանալուն, Հովհաննես Իգիթյանի կարծիքով՝ դա Մինսկի խմբի ձևաչափից է բխում:
Մանրամասները՝ տեսանյութում:
Մհեր Արշակյան
