Մշակույթ
13.03.2019 | 18:49Չարենցին պետք է բացահայտել․ դա իմ նպատակն է։ Այս մասին Չարենցի ծննդյան օրվան նվիրված ասուլիսի ընթացքում ասաց չարենցագետ Դավիթ Գասպարյանը։
«Չարենցն ավելի շատ գրական ձևեր է օգտագործել՝ տաղաչափական ձևեր, ժանրեր, քան ամբողջ հայ գրականությունը միասին վերցրած»,- նշեց չարենցագետը։
Դավիթ Գասպարյանը հավելեց, որ այս պահին Չարենցի մասին երեք հատորանի մենագրություն է գրում՝ «Ինքը, ինչը և ինչպեսը» վերնագրով․ «Ինքը՝ կյանքը, ինչը՝ ստեղծագործության բովանդակային վերլուծությունը, և ինչպեսը՝ արվեստը»։
Բանաստեղծի ծննդյան 122-ամյակի կապակցությամբ միջոցառումներ այսօր չեն նախատեսվում։ Այդուհանդերձ, Դավիթ Գասպարյանը հույս հայտնեց, որ առաջիկայում կստեղծվի Չարենցի հանրագիտարան, ինչպես նաև հստակ կնշվի գրողի գերեզմանը, տապանաքար կտեղադրվի, որին գրականասերներն ամեն տարի ծաղիկներ կխոնարհեն։
Նելլի Մելքոնյան
