17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԼՂ չկարգավորված հակամարտության պատրվակով Ադրբեջանը երկիր չի թողնում ՌԴ հայազգի քաղաքացիներին. ԱԳՆ զգուշացումը
Քաղաքականություն
13.03.2019 | 13:20
ՌԴ ԱԳ նախարարությունը նախազգուշացնող հայտարարություն է հրապարակել Ադրբեջան մեկնել ցանկացող իր քաղաքացիների համար:
Դրանում, մասնավորապես, նշվում է, որ Լեռնային Ղարաբաղի չկարգավորված հակամարտության պատրվակով Ադրբեջանի սահմանապահ ծառայությունը շարունակում է մերժել հայազգի անձանց մուտքը երկրի տարածք՝ անկախ քաղաքացիությունից:
«Դա պատճառաբանվում է նման անձանց անվտանգությունն ապահովելու անհնարինությամբ: Ադրբեջանական կողմին ռուսական կողմի դիմումները՝ Ադրբեջան ժամանող ՌԴ քաղաքացիների նկատմամբ էթնիկ պատկանելության համար խտրական գործողությունների անթույլատրելիության մասին, անտեսվում են: Հաշվի առնելով նշված հանգամանքները՝ Ռուսաստանի քաղաքացիներին խորհուրդ ենք տալիս Ադրբեջան ուղևորություն ծրագրելիս կշռադատել հնարավոր ռիսկերը»,- մասնավորապես ասված է ՌԴ ԱԳՆ հայտարարությունում:
