10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Մարտահրավերները բազմաթիվ են, բայց բոլոր հենքերը կան՝ դրական լիցքեր հաղորդելու գործընթացին. Լայչակ. ՏԵՍԱՆՅՈՒԹ
Քաղաքականություն
13.03.2019 | 12:23
Մարտահրավերներն իսկապես բազմաթիվ են, բայց, կարծում եմ, մենք բոլոր հենքերն ունենք՝ դրական լիցքեր հաղորդելու այս գործընթացին: Մարտի 13-ին Երևանում ՀՀ ԱԳ նախարար Զոհրաբ Մնացականյանի հետ հրավիրված համատեղ ասուլիսում այս մասին ասաց ԵԱՀԿ գործող նախագահ, Սլովակիայի ԱԳ նախարար Միրոսլավ Լայչակը:
Նա ողջունեց սահմանին բռնության նվազման փաստը՝ համոզմունք հայտնելով, որ դա կնպաստի համակողմանի գործընթացի իրականացմանը՝ ԼՂ հիմնախնդրի խաղաղ կարգավորման նպատակով:
«Ես կցանկանայի նաև ընդգծել, թե որքան կարևոր է ուշադրություն դարձնել այն հարցին, որ բնակչությանը պետք է նախապատրաստել խաղաղության, որքան կարևոր է ներգրավել վստահության ամրապնդման գործընթացներում, ինչպես նաև ռիսկերի նվազեցման միջոցառումներում»,- հավելեց ԵԱՀԿ գործող նախագահը:
Նա կարևորեց նաև Հայաստանի և Ադրբեջանի ղեկավարների ու ԱԳ նախարարների մակարդակով հանդիպումները: «Մենք հասկանում ենք, որ հակամարտությունը կարգավորված չէ, բայց վստահ ենք, որ փուլային մոտեցումը և զարգացող երկխոսությունը կբերի գոնե չնչին բարեփոխումներ մարդկանց առօրյա կյանքում: Մենք նախագահության շրջանակում հանձնառու ենք ամբողջությամբ բանակցված, խաղաղ և հարատև լուծում գտնելու գործընթացին»,- ասաց Միրոսլավ Լայչակը:
Մանրամասները՝ տեսանյութում:
