02.07.2026 | 12:36
ՌԴ-ն Ուկրաինայի դեմ 74 հրթիռ և շուրջ 500 ԱԹՍ է կիրառել․ Կիևում զոհերի թիվը հասել է 13-ի
50 մլն դոլար կկորցնենք մաքսատուրքերի մասով․ Միքայել Մելքումյանը Կառավարությանը հորդորում է բանակցել ԵՏՄ-ի հետ․ ՏԵՍԱՆՅՈՒԹ
Քաղաքականություն
13.03.2019 | 13:13
Այսօր՝ մարտի 13-ին, Կառավարության նախաձեռնությամբ Ազգային ժողովում գումարվել է արտահերթ նիստ, որի օրակարգում ընդգրկված է «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» ՀՀ օրենքում փոփոխություն կատարելու մասին օրենքի նախագիծը:
Օրենքի նախագծով առաջարկվում է 2018 թվականի ընթացքում գնված աջ ղեկ ունեցող մեքենաների մաքսազերծման համար վերջնաժամկետ սահմանել մինչև 2019 թվականի մայիսի 1-ը, որից հետո ՀՀ այլևս հնարավոր չի լինելու ներմուծել աջ ղեկ ունեցող մեքենաներ։
Նշենք, որ խոսքը գնում է արդեն իսկ գնված և ներկրման սպասող մոտ 800-1000 մենքենայի մասին։
Ազգային ժողովի ԲՀԿ խմբակցության պատգամավոր Միքայել Մելքումյանը նշեց, որ պետք է կարողանանք ղեկային տեղափոխություն իրականացնել մեր երկրում և ապահովել տեխնիկական պատշաճ զննություն, ինչպես անում է հարևան Վրաստանը։
Անդրադառնալով մեկ այլ խնդրի՝ հունվարից ուժի մտնող եվրասիական մաքսատուրքերին, որոնք 4-4,5 անգամ թանկացնելու են մեքենաները, Միքայել Մելքումյանը նշեց․ «2017 թվականին ՀՀ ներկրվել է 30 հազար մեքենա, 2018 թվականին՝ 60 հազարից ավելի։ Ես առաջարկում եմ, որ Կառավարությանը հորդորենք, առաջարկենք, որ ԵՏՄ-ի կոլեգիայում վերաբանակցեն, որ մենք կարողանանք այդ թանկացումներից խուսափել՝ մաքսատուրքերը ժամանակավոր հետաձգելով, թե չէ մենք կկորցնենք նվազագույնը 50 մլն դոլար մաքսատուրքերի մասով»։
Մանրամասները ՝ տեսանյութում։
Աղավնի Սուքիասյան
