30.06.2026 | 21:50
ԱՄՆ Գերագույն դատարանը մերժել է ծննդյան իրավունքով քաղաքացիության տրամադրումը սահմանափակելու՝ Թրամփի առաջարկը
Եթե Հայաստանն ԱԽ նիստն անցկացնում է Ստեփանակերտում, այլևս անհրաժեշտություն չկա բանակցություններին փորձել ներգրավել ԼՂ հայերին. Ադրբեջանի ԱԳՆ
Քաղաքականություն
12.03.2019 | 22:37
Եթե Հայաստանն Անվտանգության խորհրդի նիստն անցկացնում է Ստեփանակերտում, ապա այլևս անհրաժեշտություն չկա բանակցություններին փորձել ներգրավել Լեռնային Ղարաբաղի հայերին. ասել է Ադրբեջանի ԱԳՆ խոսնակ Լեյլա Աբդուլաևան՝ անդրադառնալով Ստեփանակերտում կայացած Հայաստանի և Արցախի Անվտանգության խորհուրդների համատեղ նիստին. գրում է trend.az-ը:
«Եթե Հայաստանի վարչապետը իր երկրի Անվտանգության խորհրդի արտահերթ նիստը անցկացնում է Ստեփանակերտում, ապա այլևս անհրաժեշտություն չկա ջանքեր գործադրելու Լեռնային Ղարաբաղի տարածաշրջանի հայերին բանակցային գործընթացում ներգրավելու համար: Կարող եմ ասել, որ ամեն ինչ իր տեղն է ընկնում: Հայաստանի վարչապետը, հնչեցնելով «Ղարաբաղի հայության» գաղափարը, վերջ է դրել բառախաղին՝ հայտարարելով, որ Լեռնային Ղարաբաղում բնակվող հայերը հանդիսանում են ոչ թե «ժողովուրդ», այլ հայկական համայք»,- ասել է Աբդուլաևան:
Ադրբեջանի ԱԳՆ մամուլի խոսնակը նշել է, որ առկա բանակցային ձևաչափը հաստատվել է կոնսենսուսի արդյունքում, ապա վերստին հիշեցրել է 1996թ․ Լիսաբոնի գագաթաժողովում ԵԱՀԿ նախագահի արած հայտարարությունը Ադրբեջանի տարածքային ամբողջականության մասին, որին, հիշեցնենք, Հայաստանը դեմ է քվեարկել։
