23.04.2026 | 11:29
«Հայք» լիբերալ կուսակցության նախագահը տուգանվել է 450 հազար դրամով
Բերդում 2 քաղաքացիների վիճաբանությունն ավարտվել է դանակահարությամբ
Հասարակություն
12.03.2019 | 21:52
Մարտի 11-ին՝ ժամը 23.30-ին, հիվանդանոցից ոստիկանության Տավուշի բաժին հաղորդում է ստացվել, որ «կրծքավանդակի և որովայնի ձախ կեսի բազմաթիվ կտրած-ծակած վերքեր, ձախ ակնակապճի շրջանի սալջարդ, ձախ հոնքի շրջանի պատռված վերք» վնասվածքներով բուժօգնության է տեղափոխվել 1980 թ. ծնված Արթուր Ա.-ն: Այդ մասին հայտնում է ՀՀ ոստիկանությունը։
Մեկնած օպերատիվ խումբը պարզել է, որ նույն օրը՝ ժամը 22.30-ի սահմանում, Բերդ քաղաքի Մաշտոցի փողոցի 21 շենքի մոտ Արթուր Ա.-ի և 1983 թ. ծնված Էդվարդ Ք.-ի միջև ծագած վիճաբանության և ծեծկռտուքի ժամանակ Էդվարդ Ք.-ն ձեռքերով և դանակով հարվածներ է հասցրել Արթուր Ա.-ին և պատճառել վնասվածքներ, աջ ձեռքի շրջանում վնասվածք է ստացել նաև ինքը:
Դեպքի հանգամանքները պարզվում են: Նշանակվել է ԴԲՓ: Կատարվում է քննություն:
