28.09.2026 | 11:11
ՏԻՄ ընտրությունների օրը ՆԳՆ 112 հեռախոսահամարին հանցագործությունների վերաբերյալ ահազանգ չի ստացվել
Գագիկ Ասլանյանը նշանակվել է Զինված ուժերի ավիացիայի պետ-վարչության պետ
Քաղաքականություն
12.03.2019 | 19:50
Նախագահ Արմեն Սարգսյանի հրամանագրով՝ Գագիկ Ասլանյանը նշանակել է Հայաստանի Հանրապետության զինված ուժերի ավիացիայի պետ-վարչության պետ:
«Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև Զինվորական ծառայության և զինծառայողի կարգավիճակի մասին Հայաստանի Հանրապետության օրենքի 35.1-ին հոդվածի 1-ին մասի և 36-րդ հոդվածի 1-ին մասի 1-ին կետի.
Գագիկ Ասլանյանի նշանակել Հայաստանի Հանրապետության զինված ուժերի ավիացիայի պետ-վարչության պետ»,-ինչպես փոխանցում են նախագահի աշխատակազմի լրատվական ծառայությունից, ասված է Արմեն Սարգսյանի հրամանագրում։
Արմեն Սարգսյանի մեկ այլ որոշմամբ՝ համաձայն Սահմանադրության 133-րդ հոդվածի 1-ին մասի, ինչպես նաև Զինվորական ծառայության և զինծառայողի կարգավիճակի մասին Հայաստանի Հանրապետության օրենքի 40-րդ հոդվածի 1-ին մասի 11-րդ կետի.
Ավետիկ Մուրադյանն ազատվել է Հայաստանի Հանրապետության զինված ուժերի ավիացիայի պետ-վարչության պետի պաշտոնից:
