20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Անհանգստության տեղիք միշտ կա. ԱԳ նախարարն՝ Ադրբեջանի զորավարժությունների մասին․ ՏԵՍԱՆՅՈՒԹ
Քաղաքականություն
12.03.2019 | 18:58
Հայաստանը եղել և մնում է Արցախի անվտանգության հիմնական երաշխավորը, շարունակելու է կատարել իր պարտականություններն ու աշխատել խաղաղության համար:
Այս մասին Ստեփանակերտում լրագրողների հետ զրույցում ասաց ՀՀ ԱԳ նախարար Զոհրաբ Մնացականյանը՝ պատասխանելով Factor.am-ի թղթակցի հարցին, թե ինչպե՞ս է գնահատում ԵԱՀԿ Մինսկի խմբի համանախագահների հայտարարությունը, որ բանակցային ձևաչափի փոփոխության կարիք կա, արդյո՞ք սա մեսիջ է Հայաստանին, որ պետք չէ Արցախին ներգրավել բանակցություններում:
«Մենք առաջ ենք քաշել հարց, որը վերաբերում է լիակատար արդյունավետ աշխատանքին: Մենք բացատրել ենք՝ ինչ է նշանակում Արցախի մասնակցությունը և դրա կարևորությունը՝ արդյունավետ աշխատելու համար»,- հավելեց նախարարը:
Նրա խոսքով՝ Հայաստանի և Արցախի Անվտանգության խորհուրդների համատեղ նիստում վարչապետ Նիկոլ Փաշինյանի ելույթում շատ հստակ կա նույն միտքը, որ որևէ կերպ նախապայման Հայաստանի կողմից երբևէ չի եղել. «Հայաստանն աշխատելու է խաղաղության համար: Այս բոլոր հարցերի մասին մենք բազմիցս խոսել ենք, ԱԳՆ-ի հայտարարությունն է եղել այդ առումով: Այսօրվա հանդիպումը նույնպես միտված էր նրան, որ մենք շարունակում ենք սերտ աշխատել Արցախի իշխանությունների հետ»:
Ինչ վերաբերում է Ադրբեջանում անցկացվող զորավարժություններին, արդյո՞ք անհանգստության առիթ կա հարցին՝ ԱԳ նախարարը պատասխանեց. «Անհանգստության տեղիք միշտ կա, երբ մենք ունենք չլուծված հակամարտություն: Բայց, ինչպես պաշտպանության նախարարն է ասել, հանգիստ եղեք»:
Մանրամասները՝ տեսանյութում:
Նարեկ Կիրակոսյան
