16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
ԱՄՆ-ն մեծացնում է Վրաստանին և Ուկրաինային տրամադրվող ռազմական օգնությունը
Քաղաքականություն
12.03.2019 | 17:29
ԱՄՆ-ն պատրաստվում է ավելացնել արտասահմանյան երկրներին ռազմական օգնություն տրամադրելու ծրագրի ֆինանսավորումը: Այս կետն ընդգրկված է 2020 թվականի համար նախատեսված պետքարտուղարության բյուջետային ծրագրում, հայտնում է ՌԻԱ Նովոստին:
«Արտասահմանցի զինծառայողներին ֆինանսավորում» կոչվող ծրագիրը նախատեսում է 5.3 մլրդ դոլար հատկացնել, ինչը 23.9 մլն դոլարով ավելին է անցյալ տարվա համեմատ: Գումարը նախատեսված է Ուկրաինայի, Վրաստանի, Լատվիայի, Լիտվայի, Էստոնիայի համար։
Եվրոպայի և Եվրասիայի երկրներին նախատեսվում է 75 մլն դոլար հատկացնել, իսկ Մերձավոր Արևելքի և Հյուսիսային Աֆրիկայի երկրներին՝ առնվազն 5 մլրդ դոլար:
Համաձայն հրապարակված տեղեկությունների՝ կրթական ծրագրի և արտասահմանյան երկրների բանակի նախապատրաստման համար նախատեսվում է 100 միլիոն դոլար հատկացնել, որը, նախորդ տարվա համեմատ, 5 միլիոն դոլարով ավելի է:
Այդ գումարից 26.4 միլիոնը տրամադրվելու է Եվրոպայի և Եվրասիայի երկրներին, քանի որ վերջիններիս անհրաժեշտ է դիմակայել «Ռուսաստանի ազդեցությանը և ագրեսիային»: Ըստ այդ անհրաժեշտության՝ ֆինանսավորում կստանան Ուկրաինան, Վրաստանը, Թուրքիան, Բուլղարիան, Լեհաստանը և Ռումինիան:
Նշվում է, որ ԱՄՆ-ի տրամադրած միջոցների մի մասը կարող է օգտագործվել՝ օգնություն ցուցաբերելու այն երկրներին, որոնք արդիականացնում են իրենց բանակները և հրաժարվում ռուսական ռազմական տեխնիկայից ու զինամթերքից:
Ավելի վաղ պետքարտուղարությունից հայտնել էին, որ Ռուսաստանին հակազդելու ամբողջ ծրագրի համար էլ 661 միլիոն դոլար է նախատեսվում:
Նելլի Մելքոնյան
