10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Ինչ պատճառով Արմեն Սարգսյանը չմեկնեց Արցախ
12.03.2019 | 14:05
Արցախում այսօր մեկնարկած Հայաստանի և Արցախի Անվտանգության խորհրդի նիստերին ՀՀ նախագահ Արմեն Սարգսյանը չի մասնակցում՝ տեխնիկական պատճառներով։
Այս մասին տեղեկացրել էին ՀՀ նախագահի աշխատակազմի հասարակայնության հետ կապերի վարչությունից։
Թե որոնք են այդ տեխնիկական պատճառները Factor.am-ը փորձեց պարզել։
Մեզ հետ զրույցում ՀՀ նախագահ Արմեն Սարգսյանի օգնական Հասմիկ Պետրոսյանն ասաց․ «Անվտանգության խորհրդի նիստին մասնակցելու հրավերը Հանրապետության նախագահը ստացել է երեկոյան: Հանրապետության նախագահի ցանկացած այցելություն ենթադրում է որոշակի նախապատրաստական գործընթաց, առավել ևս, երբ խոսքը երկար տարածության մասին է»:
Նկատենք, որ Կառավարության լրատվական ծառայությունը Արցախում անցկացվելիք ԱԱԽ նիստի մասին հաղորդագրություն ԶԼՄ-ներին տարածել է երեկ, ժամը 15։23-ին, և փաստորեն Արմեն Սարգսյանին այն ուղարկվել է ԱԱԽ նիստ գումարվելու Կառավարության հայտարարությունից հետո։
Աղավնի Սուքիասյան
