26.11.2024 | 12:23
QR ուղետոմսերի վավերականության ժամկետը կնվազեցվի՝ դառնալով 7 օր
2018 թ.-ի ընթացքում գնված աջ ղեկ ունեցող մեքենաները Հայաստան հնարավոր կլինի ներմուծել մինչև մայիսի 1-ը․ Հակոբ Արշակյան․ ՏԵՍԱՆՅՈՒԹ
Տնտեսություն
12.03.2019 | 13:22
ԱԺ Տնտեսական հարցերի մշտական հանձնաժողովի արտահերթ նիստի օրակարգում այսօր «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» օրենքում փոփոխության հարցն էր քննարկվում, որի հիմնական զեկուցողը ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանն է:
Նախարարը նշեց, որ օրենքի նախագծի մշակումը պայմանավորված է աջակողմյան ղեկային տեղաբաշխմամբ տրանսպորտային միջոցների՝ ՀՀ տարածք ներմուծումը արգելող օրենքի ընդունումից հետո ձեռք բերված և ՀՀ մաքսային տարածքում գտնվող բազմաթիվ աջակողմյան ղեկային համակարգ ունեցող տրանսպորտային միջոցների հետագա կարգավիճակը որոշելու անհրաժեշտությամբ:
Ըստ նրա՝ օրենքի ընդունմամբ հնարավորություն կընձեռվի մաքսային տարածքներում տեղակայված աջ ղեկով տրանսպորտային միջոցները, ինչպես նաև այն մեքենաները, որոնց ձեռքբերման համար վճարումները կատարվել են մինչև 2018 թվականի դեկտեմբերի 30-ը, ՀՀ տարածք ներմուծել մինչև այս տարվա մայիսի 1-ը:
«Կուզեի հստակ հնչեր, որ հարցը վերաբերում է միայն այն մեքենաներին, որոնք գնվել են 2018 թվականի ընթացքում: Այսինքն՝ նոր գնված մեքենաներին սա չի վերաբերվում: Մենք ուղղակի ժամանակ ենք տալիս, որպեսզի այդ կուտակված մեքենաները ներմուծվեն, և մաքսային տարածքում մենք խնդիրներ չունենանք»,- ասաց նախարարը:
Մանրամասները՝ տեսանյութում։
Աղավնի Սուքիասյան
