07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Այս հակամարտությունը հաջողությամբ պսակված ռազմական լուծում չի կարող ունենալ․ Ջեյմս Ապատուրայ. ՏԵՍԱՆՅՈՒԹ
Քաղաքականություն
11.03.2019 | 18:31
Այս հակամարտությունը հաջողությամբ պսակված ռազմական լուծում չի կարող ունենալ. անդրադառնալով այսօր մեկնարկած ադրբեջանական զորավարժություններին, հրավիրված ասուլիսի ընթացքում ասաց Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայը՝ շեշտելով, որ խաղաղությունն ու անվտանգությունը Հարավային կովկասում հետաքրքրում է ՆԱՏՕ-ին։
«Մեզ քաջալերում է այն հանգամանքը, որ նոր կառավարությունը նոր ջանքեր է ներդնում քաղաքական գործընթացի մեջ, որը բանակցությունների ընթացքին է միտված։ Մեզ քաջալերում է փոխադարձ հրաձգությունների շոշափելի նվազեցումը շփման գծի երկայնքով, ինչպես նաև այն մեխանիզմները, որոնք ներդրվել են ոչ միտումնավոր էսկալացիան կանխելու համար: ՆԱՏՕ-ի գնահատականը աներկբայորեն այն է, որ այս հակամարտությունը բացառապես խաղաղ ճանապարհով կարող է հանգուցալուծվել։ Այս հակամարտությունը հաջողությամբ պսակված ռազմական լուծում չի կարող ունենալ»,- ասաց Ապատուրայը՝ ընդգծելով. «Սա այն ուղերձն է, որը մենք փոխանցում ենք»։
Մանրամասները՝ տեսանյութում:
Ռոբերտ Անանյան
