13.08.2026 | 16:28
5,3 մլրդ դրամ` հուլիսին իրականացված արտահանումների փոխհատուցման համար. ՏԵՍԱՆՅՈՒԹ
Շիրակի մարզում ՌԴ քաղաքացու դանակահարության դեպքը բացահայտվել է․ Քննչական կոմիտե
Հասարակություն
11.03.2019 | 17:08
Շիրակի մարզում ՌԴ քաղաքացու դանակահարության դեպքը բացահայտվել է:
Այս մասին Factor.am- ի հետ զրույցում ասաց ՀՀ Քննչական կոմիտեի լրատվության բաժնի պետ Նաիրա Հարությունյանը:
«ՌԴ 22-ամյա երիտասարդին ծանր մարմնական վնասվածքներ պատճառելու կասկածանքով ձերբակալվել է Շիրակի մարզի 1990 թվականին ծնված բնակիչը»,- տեղեկացրեց Հարությունյանը:
Հիշեցնենք, որ Շիրակի մարզային քննչական վարչությունում ՌԴ 22-ամյա երիտասարդին դանակահարելու դեպքի առթիվ հարուցվել է քրեական գործ՝ ՀՀ քրեական օրենսգրքի 112 հոդվածի 1-ին մասի հատկանիշներով: Նշանակվել են դատաբժշկական, դատահետքաբանական փորձաքննություններ։
Հիշեցնենք, որ ավելի վաղ տեղեկացրել էինք, որ մարտի 8-ին վիճաբանություն-ծեծկռտուք և դանակահարություն է տեղի ունեցել Շիրակի մարզում։ Ժամը 01։30-ի սահմաններում Գյումրիի բժշկական կենտրոն է տեղափոխվել մի քաղաքացի՝ «կրծքավանդակի աջ կեսի կտրած-ծակած վերք» ախտորոշմամբ։
Աղավնի Սուքիասյան
