03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Թուրքիան 2019թ. սկզբին հսկայական ծավալի թարմ պտուղ-բանջարեղեն է արտահանել Ռուսաստան
Տնտեսություն
11.03.2019 | 14:07
«Արևելյան սևծովյան արտահանողների միությունը» (DKİP) տվյալներ է հրապարակել 2019թ. առաջին երկու ամսում Թուրքիայից պտուղ-բանջարեղենի արտահանման ծավալների մասին. գրում է ermenihaber-ը:
Նշվում է, որ հունվար-փետրվար ամիսներին 365մլն 662.000 դոլար արժողությամբ 697.577 տոննա ծավալով թարմ միրգ և բանջարեղեն է արտահանվել 100 երկիր:
Ամենամեծ քանակությամբ պտուղ-բանջարեղենը արտահանվել է Ռուսաստան: Արտահանման ընդանուր գումարը կազմել է 104 մլն 533.102 դոլար: Ռուսաստանին հաջորդում է Իրաքը (34մլն 84.400 դոլար) և Ռումինիան (33 մլն 105.975 դոլար):
Միության գործադիր խորհրդի փոխնախագահ Ահմեթ Համդի Գյունդողանի խոսքով` ցանկացած ժամանակահատվածում թարմ պտուղ-բանջարեղենի արտահանման սանդղակում Ռուսաստանը առաջին տեղն է զբաղեցնում:
Բանջարեղենից ամենաշատը լոլիկ է արտահանվել, իսկ մրգերից` մանդարին և կիտրոն:
