Քաղաքականություն
11.03.2019 | 13:48«ՆԱՏՕ-ի շաբաթվա» միջոցառումների շրջանակում խաղաղապահ առաքելություն իրականացնող զինծառայողների ու նրանց ընտանիքների անդամների միջև այս տարի տեսակամուրջ նախատեսված չէ»,- հրավիրված ասուլիսում այսօր հայտարարեց Հայաստանի ՊՆ պաշտպանական քաղաքականության վարչության պետ Լևոն Այվազյանը՝ պարզաբանելով նաև, թե՝ ինչու․ «Հիմա ժամանակակից տեխնոլոգիաները թույլ են տալիս, որպեսզի մեր զինծառայողներն անընդհատ կապի մեջ լինեն ընտանիքների հետ, և այդ տեսակամուրջը տարիների ընթացքում վերածվել էր ձևական միջոցառման։ Դրա համար այս տարի որոշեցինք չանցկացնել այդ միջոցառումը»։
Լևոն Այվազյանը նաև ասաց, որ այս պահին անհրաժեշտություն չկա ընդլայնելու ՆԱՏՕ-ի խաղաղապահ առաքելություններին մասնակցող Հայաստանի զինվորականության թվակազմը․ «Որովհետև, թե ինչ ծավալով և ինչ կազմով ստորաբաժանումներ են մասնակցում, Վճռական աջակցություն առաքելությանը որոշվում է ընդհանուր առաքելության խնդիրներից ելնելով և այս պահին նման անհրաժեշտություն ուղղակի չկա»։
ՊՆ պաշտոնյան նաև նշեց, որ հայկական առաքելության գործունեության որևէ ժամկետ սահմանված չէ․ «Հայ խաղաղապահներն Աֆղանստանում կմնան այնքան ժամանակ, ինչքան որ անհրաժեշտ կլինի»։
Մանրամասները՝ տեսանյութում:
Ռոբերտ Անանյան
