Քաղաքականություն
11.03.2019 | 13:14Մշակույթի ոլորտում ինչ-որ ՊՈԱԿ-ներ են կրճատվում, տասը երգիչ ասեց՝ չի կարելի, Կառավարությունից հայտարարեցին, որ դա ներքին աշխատանքային փաստաթուղթ է: Մարտի 11-ին խորհրդարանական ճեպազրույցների ժամանակ այս մասին ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Կառավարության օպտիմալացման ծրագրին:
«Հինգ հոգի բողոքում է, հետ են կանգնում: Այստեղից պարզ է դառնում, որ տեսլական չկա: Մեկն ասում է՝ եկեք այս ՊՈԱԿ-ը կրճատենք, մյուսն ասում է՝ եկեք: ՊՈԱԿ-ի աշխատակիցները հարցազրույց են տալիս, ասում են՝ հիմա ճանապարհները կփակենք, պատասխանում են՝ դա ուղղակի ներքին փաստաթուղթ էր, հրապարակվել է՝ չգիտեմ ոնց: Որ ՊՈԱԿ-ի աշխատողները շատ ցույց կանեն, դրանք չեն կրճատվի, որինը չէ՝ կկրճատվեն, տեսլական չկա: Սա ի՞նչ մոտեցում է լեգիտիմ Կառավարության համար: Տեսել եք, որ մի փոխմարզպետի կրճատեն, ու ես բողոքեմ: Մեկ տարի է՝ եկել են իշխանության, առաջին օրը կարող էին դա անել: Իրենց կուսակցության ներկայացուցիչներին նշանակել են փոխմարզպետ, լավություն է արվել»,- ասաց Էդմոն Մարուքյանը:
Մանրամասները՝ տեսանյութում:
Նարեկ Կիրակոսյան
