18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Հայաստանում հող հանձնող չկա և պարզ է, որ Ադրբեջանում էլ դեռ Արցախը ճանաչող չկա. Մարուքյան. ՏԵՍԱՆՅՈՒԹ
Քաղաքականություն
11.03.2019 | 12:39
ԱԺ «Լուսավոր Հայաստան» խմբակցության ղեկավար Էդմոն Մարուքյանը ԵԱՀԿ Մինսկի խմբի համանախագահների վերջին հայտարարությունը մտահոգիչ է համարում: Նա, միաժամանակ, չի կարծում, որ սա առաջին կամ վերջին մտահոգիչ հայտարարությունն է լինելու: Այս մասին պատգամավորն ասաց մարտի 11-ին խորհրդարանական ճեպազրույցների ժամանակ:
Հիշեցնենք, որ ԵԱՀԿ Մինսկի խմբի համանախագահները հայտարարություն էին արել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջիկա հանդիպմանն ընդառաջ՝ ողջունելով հանդիպելու պատրաստակամությունը և ընդգծելով, որ հակամարտության ազատ և տևական կարգավորումը պետք է հիմնված լինի Հելսինկիի եզրափակիչ ակտի սկզբունքների վրա, ինչը ներառում է ուժի չկիրառում կամ դրա հետ կապված սպառնալիք, տարածքային ամբողջականություն, ժողովուրդների համար հավասար իրավունքներ և ինքնորոշում: Հայտարարությունում հստակ նշվում է նաև բանակցության ձևաչափը չփոխելու մասին:
Նշենք, որ Նիկոլ Փաշինյանը հայտարարել էր բանակցային ձևաչափի փոփոխության և Արցախին որպես բանակցային կողմ ներգրավելու անհրաժեշտության մասին: «Մտահոգիչ է այն, որ որևէ կերպ տեղ չեն ուզում թողնել Արցախի Հանրապետության ներկայացուցիչների մասնակցության առումով»,- ասաց Էդմոն Մարուքյանը: Նրա խոսքով՝ Հայաստանում հող չեն հանձնելու, իսկ Ադրբեջանում էլ դեռ պատրաստ չեն ճանաչել Արցախը:
Մանրամասները՝ տեսանյութում:
Նարեկ Կիրակոսյան
