10.08.2026 | 12:11
ԱԺ-ում Արամ Վարդևանյանի ընտրության հարցով քվեարկություն է // Ջերմաստիճանը մինչև 5 աստիճանով կնվազի․ ԼՈՒՐԵՐ
Գրանցման փուլում մաքսային ընկերության տնօրենը պետք է բացահայտի իրական սեփականատիրոջը, հակառակ պարագայում՝ քրեական պատասխանատվության կենթարկվի․ ՏԵՍԱՆՅՈՒԹ
Տնտեսություն
11.03.2019 | 12:26
ՊԵԿ-ը կներկայացնի նոր օրենսդրական նախաձեռնություն, որը նպատակ ունի բացառել այն դեպքերը, երբ մաքսային ծառայողը միաժամանակ ունենում էր մաքսային բրոքերական գրասենյակ՝ գրանցելով այն ուրիշի անունով։
Այս մասին այսօր հրավիրված մամուլի ասուլիսի ժամանակ ասաց ՊԵԿ նախագահի տեղակալ Ռուստամ Բադասյանը։
«Դրա համար նախատեսել ենք քրեական պատասխանատվություն, եթե գրանցման փուլում տնօրենը չի բացահայտում իրական սեփականատիրոջը, ապա որոշել ենք այս նախաձեռնությամբ սահմանափակենք այդ ընկերությունների կանխիկ գործարքները, որպեսզի բացառվի այդ փոխկապակցվածությունը, իսկ եթե նման փոխկապակցվածություն լինի, դա արագ հնարավոր լինի բացահայտել»,-մանրամասնեց ՊԵԿ պաշտոնյան։
Ըստ Բադասյանի սահմանված են նաև արգելքներ, որոնք բիզնեսի համար ամենազգայուն թեման են:
«Ներկայումս կարգավորումն այնպիսին է, որ կարելի է կիրառել արգելանք, եթե տնտեսվարողը որևէ գույք է թաքցրել: Նոր կարգավորմամբ որոշել ենք այնպիսի հնարավորություն ընձեռել տնտեսվարողին, որ նա ներկայացնի հարկային պարտավորությունները ճիշտ ժամանակին չկատարելու պատճառաբանությունները։ Եթե դրանք հարգելի կլինեն՝ արգելանքի պրակտիկան կփոխենք»,- ասաց Բադասյանը:
Մանրամասները՝ տեսանյութում։
Աղավնի Սուքիասյան
