19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
ՊԵԿ նախագահի տեղակալը՝ «Նորֆոլկ քոնսալթինգի»՝ պետությանը հասցրած 7 մլն դոլար վնասի մասին․ ՏԵՍԱՆՅՈՒԹ
Տնտեսություն
11.03.2019 | 12:36
ՊԵԿ նախագահի տեղակալ Ռուստամ Բադասյանի տեղեկություններով՝ «ՆորՖոլկ քոնսալթինգ» ՍՊԸ-ն պետությանը պատճատած 7 մլն դոլարի վնասը վերականգնել է։
Այս մասին ասյօր հրավիրված մամուլի ասուլիսի ժամանակ, ի պատասխան լրագրողի հարցի, թե՝ արդյոք «ՆորՖոլկ քոնսալթինգը» վերականգնել է պետությանը պատճառած 7 մլրդ դրամի վնասը, Բադասյանը ասաց․ «ԱԱԾ-ի վարույթում գտնվող քրեական գործ է։ Դրա մասին չեմ կարող պատասխանել, իրավասություն չունեմ, սակայն, իմ ունեցած տեղեկություններով, այո՛»։
Հիշեցնենք, որ դեռևս 2018 թվականի մայիսին Ազգային անվտանգության ծառայությունը կոռուպցիոն, տնտեսական բնույթի հանցագործությունների դեմ պայքարին ուղղված իր գործառույթների իրականացման շրջանակներում բացահայտել էր հանցավոր սխեմա, որի միջոցով ՀՀ-ում գործող խոշոր ընկերությունը չարամտորեն խուսափել էր առանձնապես խոշոր չափերով հարկեր, տուրքեր և պարտադիր այլ վճարումներ կատարելուց: Ընդ որում, ընկերության ձևավորման և գործունեության կազմակերպման հետ անմիջական առնչություն են ունեցել ՀՀ ՊԵԿ բարձրաստիճան պաշտոնյաներ: Այդ ընկերությունը «ՆորՖոլկ քոնսալթինգ» ՍՊԸ-ն էր։
Մանրամասները՝ տեսանյութում։
Աղավնի Սուքիասյան
